mere nalon se tah-o-baala hui aksar zamin

Khwaja Mohammad Wazir

mere nalon se tah-o-baala hui aksar zamin

Khwaja Mohammad Wazir

MORE BY Khwaja Mohammad Wazir

    mere nāloñ se tah-o-bālā huī aksar zamīñ

    zer-e-pā aayā falak aur bārhā sar par zamīñ

    hai dayār-e-māh-rū bas yahī qāsid nishāñ

    āsmāñ tujh ko nazar aa.egī vaañ sar-zamīñ

    kis taraf jā.ūñ ki ho in do balāoñ se najāt

    āsmāñ ghar ghar yahī hai aur yahī ghar ghar zamīñ

    baarī baarī ye mujhe pīseñ ba-rañg-e-āsiyā

    āsmāñ din bhar rahe gardish meñ to shab-bhar zamīñ

    misl-e-ḳhurshīd āsmāñ jaltā hai āh-e-garm se

    kāñptī hai ThanDī sāñsoñ se mirī thar-thar zamīñ

    jis jagah haiñ dafn qātil terī mizhgāñ ke shahīd

    vaañ evaz sabzī ke paidā kartī hai nashtar zamīñ

    saikḌoñ is meñ ga.e mahbūb jā-e-rashk hai

    rakhtī hai āġhosh meñ kyā kyā parī-paikar zamīñ

    ātish-e-furqat se aalam kora-e-ātish huā

    āsmāñ hai duud ham aḳhgar meñ aur mujmar zamīñ

    ishq-e-ḳhāl-e-yār ne aisā kiyā zār-o-nahīf

    baiThe rahne ko mire kaafī hai ab til bhar zamīñ

    mere nalon se tah-o-baala hui aksar zamin

    zer-e-pa aaya falak aur barha sar par zamin

    hai dayar-e-mah-ru ka bas yahi qasid nishan

    aasman tujh ko nazar aaegi wan ki sar-zamin

    kis taraf jaun ki ho in do balaon se najat

    aasman ghar ghar yahi hai aur yahi ghar ghar zamin

    bari bari ye mujhe pisen ba-rang-e-asiya

    aasman din bhar rahe gardish mein to shab-bhar zamin

    misl-e-KHurshid aasman jalta hai aah-e-garm se

    kanpti hai ThanDi sanson se meri thar-thar zamin

    jis jagah hain dafn qatil teri mizhgan ke shahid

    wan ewaz sabzi ke paida karti hai nashtar zamin

    saikDon is mein gae mahbub ja-e-rashk hai

    rakhti hai aaghosh mein kya kya pari-paikar zamin

    aatish-e-furqat se aalam kora-e-atish hua

    aasman hai dud hum aKHgar mein aur mujmar zamin

    ishq-e-KHal-e-yar ne aisa kiya zar-o-nahif

    baiThe rahne ko mere kafi hai ab til bhar zamin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY