mere parwane ko ab muzhda-e-mayusi hai

mere parvāne ko ab muzhda-e-māyūsī hai

kyūñki vo parda-nashīñ sho.ala-e-fānūsī hai

sāqiyā dast-e-nigārīñ se tire miinā meñ

ham jo karte haiñ nazar jalva-e-tā.ūsī hai

jām-e-labrez chahaktā hai yad-e-baizā sā

yaar ke haath meñ kyā mo.ajaza-e-mūsī hai

martī us gul pe hai biktā hai jo kauḌī kauḌī

tujh pe martī nahīñ bulbul bhī kuchh ullū sī hai

ai sanam naala o afġhāñ se mire shaam o sahar

dil ke but-ḳhāne meñ ab naġhma-e-nāqūsī hai

dasht meñ chal ki har ik ḳhār-e-bayābāñ ko 'nisār'

juuñ hinā kab se tamannā-e-qadam-bosī hai

mere parwane ko ab muzhda-e-mayusi hai

kyunki wo parda-nashin shoala-e-fanusi hai

saqiya dast-e-nigarin se tere mina mein

hum jo karte hain nazar jalwa-e-tausi hai

jam-e-labrez chahakta hai yad-e-baiza sa

yar ke hath mein kya moajaza-e-musi hai

marti us gul pe hai bikta hai jo kauDi kauDi

tujh pe marti nahin bulbul bhi kuchh ullu si hai

ai sanam nala o afghan se mere sham o sahar

dil ke but-KHane mein ab naghma-e-naqusi hai

dasht mein chal ki har ek KHar-e-bayaban ko 'nisar'

jun hina kab se tamanna-e-qadam-bosi hai