mere peD ke sare patte sukhe hain

mere peḌ ke saare patte sūkhe haiñ

ik ik kar ke Daalī se sab TuuTe haiñ

ro lete haiñ chhup kar sāmne hañste haiñ

mere ghar meñ saare kitne jhūTe haiñ

sar pe chhat na baap kā saaya aur shikam

is pe qahr ki apne ham se rūThe haiñ

jaldī jism kī bhuuk miTā lo ai sāhab

ghar par mere saare bachche bhūke haiñ

ḳhālī peT thā duudh pilāyā bachche ko

nanhe peT pe zabt ke dāman chhoTe haiñ

ḳhūn-e-jigar se pyaas bujhā.ī logoñ kī

in āñkhoñ se lahū ke chashme phūTe haiñ

terā diyā hī naam tire par nahīñ diyā

jitne baḌe haiñ dil ke baḌe hī chhoTe haiñ

mere peD ke sare patte sukhe hain

ek ek kar ke Dali se sab TuTe hain

ro lete hain chhup kar samne hanste hain

mere ghar mein sare kitne jhuTe hain

sar pe chhat na bap ka saya aur shikam

is pe qahr ki apne hum se ruThe hain

jaldi jism ki bhuk miTa lo ai sahab

ghar par mere sare bachche bhuke hain

KHali peT tha dudh pilaya bachche ko

nanhe peT pe zabt ke daman chhoTe hain

KHun-e-jigar se pyas bujhai logon ki

in aankhon se lahu ke chashme phuTe hain

tera diya hi nam tere par nahin diya

jitne baDe hain dil ke baDe hi chhoTe hain