mere rone pe ye hañsī kaisī
ai sitamgar ye dil-lagī kaisī
khul ga.ī phir koī rag-e-dil kyā
dīda-e-ḳhushk haiñ namī kaisī
hosh hai tujh ko ḳhaak ke putle
ye tamarrud ye sar-kashī kaisī
thā ye ik imtihāñ tabī.at kā
varna nāseh se dostī kaisī
ro rahā huuñ isī tasavvur meñ
dī thī ye mujh ko zindagī kaisī
ab to is dar tak aa ga.e ho 'azīz'
sambhlo sambhlo ye be-ḳhudī kaisī
mere rone pe ye hansi kaisi
ai sitamgar ye dil-lagi kaisi
khul gai phir koi rag-e-dil kya
dida-e-KHushk hain nami kaisi
hosh hai tujh ko KHak ke putle
ye tamarrud ye sar-kashi kaisi
tha ye ek imtihan tabiat ka
warna naseh se dosti kaisi
ro raha hun isi tasawwur mein
di thi ye mujh ko zindagi kaisi
ab to is dar tak aa gae ho 'aziz'
sambhlo sambhlo ye be-KHudi kaisi
Source :
- Gulkadah(Majmua-e-Ghazliyat)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.