mere sar ke waste aisi saza rakhta hai kaun
mere sar ke vāste aisī sazā rakhtā hai kaun
āstīnoñ meñ kahīñ ḳhanjar chhupā rakhtā hai kaun
sabz shāḳhoñ par sunahre phuul se khilne lage
lab-ba-lab mausam-asar aisī duā rakhtā hai kaun
ye jo merī zaat meñ baiThā huā hai maiñ nahīñ
mujh ko mere rū-ba-rū mujh se judā rakhtā hai kaun
jo bhī hai merā amal vo bhī amal merā nahīñ
phir bhī mere naam se sab kuchh likhā rakhtā hai kaun
jaane vaalā jā chukā muñh moḌ ke barsoñ hue
dil kī chaukhaT par magar ab bhī diyā rakhtā hai kaun
rakh diyā dair-o-haram meñ us ko rakhne ko 'rafīq'
dekhnā merī tarah merā ḳhudā rakhtā hai kaun
mere sar ke waste aisi saza rakhta hai kaun
aastinon mein kahin KHanjar chhupa rakhta hai kaun
sabz shaKHon par sunahre phul se khilne lage
lab-ba-lab mausam-asar aisi dua rakhta hai kaun
ye jo meri zat mein baiTha hua hai main nahin
mujh ko mere ru-ba-ru mujh se juda rakhta hai kaun
jo bhi hai mera amal wo bhi amal mera nahin
phir bhi mere nam se sab kuchh likha rakhta hai kaun
jaane wala ja chuka munh moD ke barson hue
dil ki chaukhaT par magar ab bhi diya rakhta hai kaun
rakh diya dair-o-haram mein us ko rakhne ko 'rafiq'
dekhna meri tarah mera KHuda rakhta hai kaun
Source:
Rooh-e-Ghazal,Pachas Sala Intekhab (Pg. 643)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
