meri aankhon ke samundar mein jalan kaisi hai
merī āñkhoñ ke samundar meñ jalan kaisī hai
aaj phir dil ko taḌapne kī lagan kaisī hai
ab kisī chhat pe charāġhoñ kī qatāreñ bhī nahīñ
ab tire shahr kī galiyoñ meñ ghuTan kaisī hai
barf ke ruup meñ Dhal jā.eñge saare rishte
mujh se pūchho ki mohabbat kī agan kaisī hai
maiñ tire vasl kī ḳhvāhish ko na marne dūñgā
mausam-e-hijr ke lahje meñ thakan kaisī hai
regzāroñ meñ jo bantī rahī kāñToñ kī ridā
is kī majbūr sī āñkhoñ meñ karan kaisī hai
mujhe ma.asūm sī laḌkī pe taras aatā hai
use dekho to mohabbat meñ magan kaisī hai
meri aankhon ke samundar mein jalan kaisi hai
aaj phir dil ko taDapne ki lagan kaisi hai
ab kisi chhat pe charaghon ki qataren bhi nahin
ab tere shahr ki galiyon mein ghuTan kaisi hai
barf ke rup mein Dhal jaenge sare rishte
mujh se puchho ki mohabbat ki agan kaisi hai
main tere wasl ki KHwahish ko na marne dunga
mausam-e-hijr ke lahje mein thakan kaisi hai
regzaron mein jo banti rahi kanTon ki rida
is ki majbur si aankhon mein karan kaisi hai
mujhe masum si laDki pe taras aata hai
use dekho to mohabbat mein magan kaisi hai
Source:
Aankhen Bheeg Jati Hain (Pg. 72)
- Author: Wasi Shah
-
- Edition: 1997
- Publisher: Al-Razzaq Publications, Lahore
- Year of Publication: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
