meri is dhaDkan ki sargam yani tum

merī is dhaḌkan kī sargam ya.anī tum

mere in zaḳhmoñ kā marham ya.anī tum

miTTī daldal kaale bādal ya.anī maiñ

jhīl-o-jharne achchhā mausam ya.anī tum

logoñ kā ġham huuñ maiñ merā ġham ye dil

haañ lekin mere dil kā ġham ya.anī tum

ik ḳhāmosh khaḌī dulhan hai ye duniyā

dulhan kī paa.el kī chham-chham ya.anī tum

tum ko sochā to aisī tasvīr banī

hañstā chehra aur āñkheñ nam ya.anī tum

meri is dhaDkan ki sargam yani tum

mere in zaKHmon ka marham yani tum

miTTi daldal kale baadal yani main

jhil-o-jharne achchha mausam yani tum

logon ka gham hun main mera gham ye dil

han lekin mere dil ka gham yani tum

ek KHamosh khaDi dulhan hai ye duniya

dulhan ki pael ki chham-chham yani tum

tum ko socha to aisi taswir bani

hansta chehra aur aankhen nam yani tum