meri judaiyon se wo mil kar nahin gaya

Muzaffar Warsi

meri judaiyon se wo mil kar nahin gaya

Muzaffar Warsi

MORE BYMuzaffar Warsi

    merī judā.iyoñ se vo mil kar nahīñ gayā

    us ke baġhair maiñ bhī koī mar nahīñ gayā

    duniyā meñ ghuum phir ke bhī aise lagā mujhe

    jaise maiñ apnī zaat se bāhar nahīñ gayā

    kyā ḳhuub haiñ hamārī taraqqī-pasañdiyāñ

    ziine banā liye koī uupar nahīñ gayā

    juġhrāfi.e ne kaaT diye rāste mire

    tārīḳh ko gila hai ki maiñ ghar nahīñ gayā

    aisī koī ajiib imārat thī zindagī

    bāhar se jhāñktā rahā andar nahīñ gayā

    Daalā na dostoñ ko kabhī imtihān meñ

    sahrā meñ mere saath samundar nahīñ gayā

    us vaqt tak sulagtī rahī us aarzū

    jab tak dhueñ se saarā badan bhar nahīñ gayā

    zillat ke bhaav bik ga.iiñ izzat-ma.ābiyāñ

    dastār us jaatī rahī sar nahīñ gayā

    ḳhvāhish havas ke ruup meñ achchhī nahīñ lagī

    duniyā ko fat.h kar ke sikandar nahīñ gayā

    kāñdhoñ pe apne log use le ga.e kahāñ

    pairoñ se apne chal ke 'muzaffar' nahīñ gayā

    meri judaiyon se wo mil kar nahin gaya

    us ke baghair main bhi koi mar nahin gaya

    duniya mein ghum phir ke bhi aise laga mujhe

    jaise main apni zat se bahar nahin gaya

    kya KHub hain hamari taraqqi-pasandiyan

    zine bana liye koi upar nahin gaya

    jughrafie ne kaT diye raste mere

    tariKH ko gila hai ki main ghar nahin gaya

    aisi koi ajib imarat thi zindagi

    bahar se jhankta raha andar nahin gaya

    Dala na doston ko kabhi imtihan mein

    sahra mein mere sath samundar nahin gaya

    us waqt tak sulagti rahi us ki aarzu

    jab tak dhuen se sara badan bhar nahin gaya

    zillat ke bhaw bik gain izzat-maabiyan

    dastar us ki jati rahi sar nahin gaya

    KHwahish hawas ke rup mein achchhi nahin lagi

    duniya ko fath kar ke sikandar nahin gaya

    kandhon pe apne log use le gae kahan

    pairon se apne chal ke 'muzaffar' nahin gaya

    Videos
    This video is playing from YouTube

    Videos
    This video is playing from YouTube

    Muzaffar Warsi

    Muzaffar Warsi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY