meri KHushbu ko hawaon mein uDane wala
merī ḳhushbū ko havāoñ meñ uḌāne vaalā
lauT ke aayā nahīñ chhoḌ ke jaane vaalā
jaane kis moḌ pe le aa.ī mohabbat mujh ko
yaad aatā hai bahut yaad na aane vaalā
pyaar ke saath mujhe tā'ne diyā kartā hai
tujh meñ bhī rang hai kuchh kuchh to zamāne vaalā
muddateñ biit ga.iiñ raah meñ baiThī huī hai
shahr se jā bhī chukā shahr se jaane vaalā
aise bichhḌā hai ki milne kī du'ā kartā hai
har mulāqāt pe muñh pher ke jaane vaalā
meri KHushbu ko hawaon mein uDane wala
lauT ke aaya nahin chhoD ke jaane wala
jaane kis moD pe le aai mohabbat mujh ko
yaad aata hai bahut yaad na aane wala
pyar ke sath mujhe ta'ne diya karta hai
tujh mein bhi rang hai kuchh kuchh to zamane wala
muddaten bit gain rah mein baiThi hui hai
shahr se ja bhi chuka shahr se jaane wala
aise bichhDa hai ki milne ki du'a karta hai
har mulaqat pe munh pher ke jaane wala
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
