meri KHwahish na sahi tera irada hai zarur
meri KHwahish na sahi tera irada hai zarur
Iqbal Ashhar Quraishi
MORE BYIqbal Ashhar Quraishi
merī ḳhvāhish na sahī terā irāda hai zarūr
saḳht mushkil hai ki tujh sā mujhe honā hai zarūr
kaun sā rañj huā hosh nahīñ hai lekin
apne nāḳhun se hī khurchā huā siina hai zarūr
ab vo pahlī sī fazāoñ meñ kudūrat na rahī
haañ mirī aañkh meñ halkā sā dhuñdlakā hai zarūr
ham ko is daur kī tārīḳh to likhnī hogī
ek chhoTā sā qalam hī sahī apnā hai zarūr
ro.ab us lafz kā rahtā hai musallat 'ash.har'
be-niyāzī meñ bhī ma.abūd jo merā hai zarūr
meri KHwahish na sahi tera irada hai zarur
saKHt mushkil hai ki tujh sa mujhe hona hai zarur
kaun sa ranj hua hosh nahin hai lekin
apne naKHun se hi khurcha hua sina hai zarur
ab wo pahli si fazaon mein kudurat na rahi
han meri aankh mein halka sa dhundlaka hai zarur
hum ko is daur ki tariKH to likhni hogi
ek chhoTa sa qalam hi sahi apna hai zarur
roab us lafz ka rahta hai musallat 'ashhar'
be-niyazi mein bhi mabud jo mera hai zarur
Source:
Be Sada Faryaad (Ghazals) (Pg. 90)
- Author: Iqbal Ashhar Qureshi
-
- Edition: 2012
- Publisher: Fine Art Group Publications
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
