aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

meri mahdud basarat ka natija nikla

Ahmad Nadeem Qasmi

meri mahdud basarat ka natija nikla

Ahmad Nadeem Qasmi

MORE BYAhmad Nadeem Qasmi

    merī mahdūd basārat natīja niklā

    āsmāñ mere tasavvur se bhī halkā niklā

    roz-e-avval se hai fitrat raqīb ādam-zād

    dhuup niklī to mire jism se saaya niklā

    sar-e-dariyā thā charāġhāñ ki ajal raqs meñ thī

    bulbulā jab koī TuuTā to sharārā niklā

    baat jab thī ki sar-e-shām farozāñ hotā

    raat jab ḳhatm huī sub.h taarā niklā

    muddatoñ ba.ad jo royā huuñ to ye sochtā huuñ

    aaj to sīna-e-sahrā se bhī dariyā niklā

    kuchh na thā kuchh bhī na thā jab mire āsār khude

    ek dil thā so ka.ī jagah se TuuTā niklā

    log shahpāra-e-yak-jā.ī jise samjhe the

    apnī ḳhalvat se jo niklā to bikhartā niklā

    merā īsār mire zo.am meñ be-ajr na thā

    aur maiñ apnī adālat meñ bhī jhūTā niklā

    maiñ to samjhā thā bahut sard hai zāhid mizāj

    us ke andar to qayāmat tamāsha niklā

    vahī be-ant ḳhalā hai vahī be-samt safar

    merā ghar mere liye ālam-e-bālā niklā

    zindagī ret ke zarrāt gintī thī 'nadīm'

    kyā sitam hai ki adam bhī vahī sahrā niklā

    meri mahdud basarat ka natija nikla

    aasman mere tasawwur se bhi halka nikla

    roz-e-awwal se hai fitrat ka raqib aadam-zad

    dhup nikli to mere jism se saya nikla

    sar-e-dariya tha charaghan ki ajal raqs mein thi

    bulbula jab koi TuTa to sharara nikla

    baat jab thi ki sar-e-sham farozan hota

    raat jab KHatm hui subh ka tara nikla

    muddaton baad jo roya hun to ye sochta hun

    aaj to sina-e-sahra se bhi dariya nikla

    kuchh na tha kuchh bhi na tha jab mere aasar khude

    ek dil tha so kai jagah se TuTa nikla

    log shahpara-e-yak-jai jise samjhe the

    apni KHalwat se jo nikla to bikharta nikla

    mera isar mere zoam mein be-ajr na tha

    aur main apni adalat mein bhi jhuTa nikla

    main to samjha tha bahut sard hai zahid ka mizaj

    us ke andar to qayamat ka tamasha nikla

    wahi be-ant KHala hai wahi be-samt safar

    mera ghar mere liye aalam-e-baala nikla

    zindagi ret ke zarraat ki ginti thi 'nadim'

    kya sitam hai ki adam bhi wahi sahra nikla

    Source:

    Intekhab-e-Kulliyat-e-ahmed Nadeem Qasmi (Pg. 71)

    • Author: Ahmed Nadeem Qasmi
      • Edition: 2004
      • Publisher: Farid Book Depot (Pvt.) Ltd.
      • Year of Publication: 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now