meri qismat ka bulandi pe sitara hota

merī qismat kā bulandī pe sitāra hotā

apnā kah kar jo mujhe tum ne pukārā hotā

ek duuje pe agar hotā bharosa ham ko

fāsla aaj hamārā na tumhārā hotā

qaid se apnī kabhī maiñ nahīñ bāhar aatā

naam le kar na agar mujh ko pukārā hotā

merī miTTī yuuñ hī miTTī meñ hī rahne dete

kaash tum ne na mujhe phir se sañvārā hotā

hosh aayā to vahī naam tirā lab par thā

kaash hoñToñ pe tire naam hamārā hotā

justujū terī liye phirtī na sahrā sahrā

merī bastī meñ agar terā nazāra hotā

mere aañsū dar-e-rusvā.ī pe jaate hī nahīñ

tere shāne kā agar mujh ko sahārā hotā

'shāh' sāhab na do āvāz ye sab patthar haiñ

koī hamdard jo hotā to hamārā hotā

meri qismat ka bulandi pe sitara hota

apna kah kar jo mujhe tum ne pukara hota

ek duje pe agar hota bharosa hum ko

fasla aaj hamara na tumhaara hota

qaid se apni kabhi main nahin bahar aata

nam le kar na agar mujh ko pukara hota

meri miTTi yun hi miTTi mein hi rahne dete

kash tum ne na mujhe phir se sanwara hota

hosh aaya to wahi nam tera lab par tha

kash honTon pe tere nam hamara hota

justuju teri liye phirti na sahra sahra

meri basti mein agar tera nazara hota

mere aansu dar-e-ruswai pe jate hi nahin

tere shane ka agar mujh ko sahaara hota

'shah' sahab na do aawaz ye sab patthar hain

koi hamdard jo hota to hamara hota