meri sanson mein ghuTan chhoD ke ja sakte ho

merī sāñsoñ meñ ghuTan chhoḌ ke jā sakte ho

tum mujhe 'ahd-shikan chhoḌ ke jā sakte ho

apnī yādoñ meñ magan chhoḌ ke jā sakte ho

tum hameñ tanhā sajan chhoḌ ke jā sakte ho

jūjhne kī mujhe 'ādat hai pareshānī se

mere māthe pe shikan chhoḌ ke jā sakte ho

lauTne kā kabhī apnā mujhe vā'da do to

tum judā.ī kī chubhan chhoḌ ke jā sakte ho

kyā mirī Diary ke safhoñ pe jaate jaate

daulat-e-she'r-o-suḳhan chhoḌ ke jā sakte ho

apne hoñToñ se mire hoñToñ pe kyā jān-e-jāñ

ek mīThī sī chhuvan chhoḌ ke jā sakte ho

'ishq aur farz meñ gar ek hī chunñā ho 'amit'

to adhūrā ye milan chhoḌ ke jā sakte ho

meri sanson mein ghuTan chhoD ke ja sakte ho

tum mujhe 'ahd-shikan chhoD ke ja sakte ho

apni yaadon mein magan chhoD ke ja sakte ho

tum hamein tanha sajan chhoD ke ja sakte ho

jujhne ki mujhe 'adat hai pareshani se

mere mathe pe shikan chhoD ke ja sakte ho

lauTne ka kabhi apna mujhe wa'da do to

tum judai ki chubhan chhoD ke ja sakte ho

kya meri Diary ke safhon pe jate jate

daulat-e-she'r-o-suKHan chhoD ke ja sakte ho

apne honTon se mere honTon pe kya jaan-e-jaan

ek miThi si chhuwan chhoD ke ja sakte ho

'ishq aur farz mein gar ek hi chunna ho 'amit'

to adhura ye milan chhoD ke ja sakte ho