meri tanhai ke sahra se nikalo mujhko

merī tanhā.ī ke sahrā se nikālo mujh ko

vaqt kī tez havāoñ se bachā lo mujh ko

aa.ina mere ta'āqub meñ hai maiñ ḳhā.if huuñ

tum kisī aur na.ī shakl meñ Dhālo mujh ko

merā vā'da ki phir ujḌegī ye bastī na kabhī

apne ḳhvāboñ meñ ḳhayāloñ meñ basā lo mujh ko

is se pahle ki maiñ tā-hadd-e-nazar bhī na milūñ

koī sūrat ho kisī tarh bulā lo mujh ko

tum ho ik ḳhvāb to us ḳhvāb kī tā'bīr huuñ maiñ

maiñ agar ruuTh bhī jā.ūñ to manā lo mujh ko

sham'-e-mahfil na sahī dūd-e-charāġh-e-mahfil

ik zarā anjuman-e-dil meñ biThā lo mujh ko

ai 'jamīla' kisī tārīk sanam-ḳhāne meñ

raushnī ke liye chāho to jalā lo mujh ko

meri tanhai ke sahra se nikalo mujh ko

waqt ki tez hawaon se bacha lo mujh ko

aaina mere ta'aqub mein hai main KHaif hun

tum kisi aur nai shakl mein Dhaalo mujh ko

mera wa'da ki phir ujDegi ye basti na kabhi

apne KHwabon mein KHayalon mein basa lo mujh ko

is se pahle ki main ta-hadd-e-nazar bhi na milun

koi surat ho kisi tarh bula lo mujh ko

tum ho ek KHwab to us KHwab ki ta'bir hun main

main agar ruTh bhi jaun to mana lo mujh ko

sham'-e-mahfil na sahi dud-e-charagh-e-mahfil

ek zara anjuman-e-dil mein biTha lo mujh ko

ai 'jamila' kisi tarik sanam-KHane mein

raushni ke liye chaho to jala lo mujh ko