meri zindagi ho tum

merī zindagī ho tum

ya.anī ajnabī ho tum

āgahī sabhī kuchh hai

ishq-o-āgahī ho tum

terā ho chukā huuñ maiñ

merī ho chukī ho tum

mar rahā huuñ maiñ ġham se

aur hañs rahī ho tum

pahlī pahlī nīñdoñ kā

ḳhvāb āḳhirī ho tum

mujh pe lams vājib hai

duur kyoñ khaḌī ho tum

muḌ ke dekhnā be-sūd

saath kab chalī ho tum

ḳhud pe hañstī rahtī ho

kitnī sar-phirī ho tum

maiñ gale se lag jā.ūñ

kitnā sochtī ho tum

meri zindagi ho tum

yani ajnabi ho tum

aagahi sabhi kuchh hai

ishq-o-agahi ho tum

tera ho chuka hun main

meri ho chuki ho tum

mar raha hun main gham se

aur hans rahi ho tum

pahli pahli nindon ka

KHwab aaKHiri ho tum

mujh pe lams wajib hai

dur kyon khaDi ho tum

muD ke dekhna be-sud

sath kab chali ho tum

KHud pe hansti rahti ho

kitni sar-phiri ho tum

main gale se lag jaun

kitna sochti ho tum