mir-o-ghaalib bane yagana bane

Habib Jalib

mir-o-ghaalib bane yagana bane

Habib Jalib

MORE BYHabib Jalib

    'mīr'-o-'ġhālib' bane 'yagānā' bane

    aadmī ai ḳhudā ḳhudā na bane

    maut dastaras meñ kab se haiñ

    zindagī koī bahāna bane

    apnā shāyad yahī thā jurm ai dost

    bā-vafā ban ke be-vafā na bane

    ham pe ik e'tirāz ye bhī hai

    be-navā ho ke be-navā na bane

    ye bhī apnā qusūr kyā kam hai

    kisī qātil ke ham-navā na bane

    kyā gila sañg-dil zamāne

    āshnā jab āshnā na bane

    chhoḌ kar us galī ko ai 'jālib'

    ik haqīqat se ham fasāna bane

    'mir'-o-'ghaalib' bane 'yagana' bane

    aadmi ai KHuda KHuda na bane

    maut ki dastaras mein kab se hain

    zindagi ka koi bahana bane

    apna shayad yahi tha jurm ai dost

    ba-wafa ban ke be-wafa na bane

    hum pe ek e'tiraaz ye bhi hai

    be-nawa ho ke be-nawa na bane

    ye bhi apna qusur kya kam hai

    kisi qatil ke ham-nawa na bane

    kya gila sang-dil zamane ka

    aashna hi jab aashna na bane

    chhoD kar us gali ko ai 'jalib'

    ek haqiqat se hum fasana bane

    Videos
    This video is playing from YouTube

    Videos
    This video is playing from YouTube

    Habib Jalib

    Habib Jalib

    Source :
    • Book : Kulliyat-e-Habib Jalib (Pg. 288)
    • Author : Habib Jalib
    • Publication : Tahir Sons Publishers (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now