miThi hai aisi baat uski

mīThī hai aisī baat us kī

lauñDī hai ik nabāt us kī

samjhā na maiñ ek baat us kī

mujh par kyā kā.enāt us kī

aalam hai be-sabāt ai dil

ik zaat ko hai sabāt us kī

mah us kā hai āftāb us kā

din us kā hai aur raat us kī

kis muñh se karūñ maiñ vasf us kā

hai aql se duur zaat us kī

mimber pe jo bak rahā hai vaa.iz

kab suntā huuñ ḳhair baat us kī

hai daulat-e-husn paas tere

detā nahīñ kyuuñ zakāt us kī

hai jo ki shahīd teġh-e-taslīm

hai misl-e-ḳhizar hayāt us kī

dam de ke na naqd-e-dil ko le-le

chal jaa.e kahīñ na ghaat us kī

jo dil ki hai ġharq bahr-e-duniyā

kyūñkar hogī najāt us kī

dil jaatā hai sū-e-kū-e-qātil

ḳhāliq rakhe hayāt us kī

dam de ke le aayā yaar ko dil

kyā rah ga.ī aaj baat us kī

tanhā nahīñ 'muntahī' kisī jā

taqdīr hai us ke saath us kī

miThi hai aisi baat us ki

launDi hai ek nabaat us ki

samjha na main ek baat us ki

mujh par kya kaenat us ki

aalam hai be-sabaat ai dil

ek zat ko hai sabaat us ki

mah us ka hai aaftab us ka

din us ka hai aur raat us ki

kis munh se karun main wasf us ka

hai aql se dur zat us ki

mimber pe jo bak raha hai waiz

kab sunta hun KHair baat us ki

hai daulat-e-husn pas tere

deta nahin kyun zakat us ki

hai jo ki shahid tegh-e-taslim

hai misl-e-KHizar hayat us ki

dam de ke na naqd-e-dil ko le-le

chal jae kahin na ghat us ki

jo dil ki hai gharq bahr-e-duniya

kyunkar hogi najat us ki

dil jata hai su-e-ku-e-qatil

KHaliq rakhe hayat us ki

dam de ke le aaya yar ko dil

kya rah gai aaj baat us ki

tanha nahin 'muntahi' kisi ja

taqdir hai us ke sath us ki