mil jaen azhdaham mein hum hi ye humse dur

Syed Yusuf Ali Khan Nazim

mil jaen azhdaham mein hum hi ye humse dur

Syed Yusuf Ali Khan Nazim

MORE BYSyed Yusuf Ali Khan Nazim

    mil jaa.eñ azhdahām meñ ham ye ham se duur

    ik ghar judā banā.eñge dair-o-haram se duur

    jitne qadam zyāda hoñ utnā zyāda ajr

    ghar barahman chāhiye bait-us-sanam se duur

    shaddād shukr kar ki ga.ī dar pe terī jaan

    jab thā maqām-e-shikva ki martā iram se duur

    pairav huuñ garche pās-e-adab bhī zarūr hai

    rakhtā huuñ paañv ḳhizr ke naqsh-e-qadam se duur

    chāhūñ ki haal vahshat-e-dil kuchh raqam karūñ

    bhāgeñ hurūf vaqt-e-nigārish qalam se duur

    dekhā hai dām-o-dāna dastūr yaañ nayā

    ḳhāl-e-zaqan turra-e-pur-pech-o-ḳham se duur

    dam bhar meñ pahuñchte haiñ yaañ ke muqīm vaañ

    ye marhala nahīñ hai savād-e-adam se duur

    haiñ khel sab munāfī-e-shaukat ki ahl-e-jāh

    rah jaate haiñ shikār meñ ḳhail-o-hasham se duur

    'nāzim' ye taar bijlī ke nikle hai raah ḳhuub

    bāteñ kareñge yaar ho kitnā ham se duur

    mil jaen azhdaham mein hum hi ye hum se dur

    ek ghar juda banaenge dair-o-haram se dur

    jitne qadam zyaada hon utna zyaada ajr

    ghar barahman ka chahiye bait-us-sanam se dur

    shaddad shukr kar ki gai dar pe teri jaan

    jab tha maqam-e-shikwa ki marta iram se dur

    pairaw hun garche pas-e-adab bhi zarur hai

    rakhta hun panw KHizr ke naqsh-e-qadam se dur

    chahun ki haal wahshat-e-dil kuchh raqam karun

    bhagen huruf waqt-e-nigarish qalam se dur

    dekha hai dam-o-dana ka dastur yan naya

    KHal-e-zaqan hi turra-e-pur-pech-o-KHam se dur

    dam bhar mein ja pahunchte hain yan ke muqim wan

    ye marhala nahin hai sawad-e-adam se dur

    hain khel sab munafi-e-shaukat ki ahl-e-jah

    rah jate hain shikar mein KHail-o-hasham se dur

    'nazim' ye tar bijli ke nikle hai rah KHub

    baaten karenge yar ho kitna hi hum se dur

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY