mil ke ek bar use yaad nahin hone ke

mil ke ik baar use yaad nahīñ hone ke

dil ke ujḌe nagar ābād nahīñ hone ke

ab na.e zulm to ījād nahīñ hone ke

sāhibā ham koī fariyād nahīñ hone ke

sachche 'ushshāq to nāpaid hue duniyā meñ

ab koī shīrīñ-o-farhād nahīñ hone ke

dil meñ Thānī hai bhulā deñ tumheñ dhīre dhīre

aur is ishq meñ barbād nahīñ hone ke

ek vā'de ne yuuñ pā-basta kiyā hai ham ko

ab kisī taur bhī āzād nahīñ hone ke

ham ne har haal meñ jiine kī qasam khaa.ī hai

ham kabhī ziist meñ nāshād nahīñ hone ke

ek kam-zarf se kyā zarf kī ummīd kareñ

haiñ jo baune kabhī shamshād nahīñ hone ke

mil ke ek bar use yaad nahin hone ke

dil ke ujDe nagar aabaad nahin hone ke

ab nae zulm to ijad nahin hone ke

sahiba hum koi fariyaad nahin hone ke

sachche 'ushshaq to napaid hue duniya mein

ab koi shirin-o-farhad nahin hone ke

dil mein Thani hai bhula den tumhein dhire dhire

aur is ishq mein barbaad nahin hone ke

ek wa'de ne yun pa-basta kiya hai hum ko

ab kisi taur bhi aazad nahin hone ke

hum ne har haal mein jine ki qasam khai hai

hum kabhi zist mein nashad nahin hone ke

ek kam-zarf se kya zarf ki ummid karen

hain jo baune kabhi shamshad nahin hone ke