mila hai apne hone ka nishan ek

milā hai apne hone kā nishāñ ik

sunī sadiyoñ purānī dāstāñ ik

hamārī soch to miltī hai kitnī

magar kyuuñ kar nahīñ apnī zabāñ ik

mirā har ik yaqīñ jhuTlā rahā hai

vo jo mujh meñ makīñ hai bad-gumāñ ik

hue haiñ be-ma.ānī bāl-o-par ab

milā nīche zamīñ ke āsmāñ ik

bure logoñ se milvātā hai mujh ko

jatātā hai vahī achchhā yahāñ ik

merī chup se bhī vo jhuñjhlā rahā hai

ḳhamoshī kī bhī hotī hai zabāñ ik

ḳhudā ko bhī rakheñge dastaras meñ

zamīñ par vo banā ke āsmāñ ik

na tere ho sake ham nā hī apne

rahī aadhī adhūrī dāstāñ ik

mila hai apne hone ka nishan ek

suni sadiyon purani dastan ek

hamari soch to milti hai kitni

magar kyun kar nahin apni zaban ek

mera har ek yaqin jhuTla raha hai

wo jo mujh mein makin hai bad-guman ek

hue hain be-maani baal-o-par ab

mila niche zamin ke aasman ek

bure logon se milwata hai mujh ko

jatata hai wahi achchha yahan ek

meri chup se bhi wo jhunjhla raha hai

KHamoshi ki bhi hoti hai zaban ek

KHuda ko bhi rakhenge dastaras mein

zamin par wo bana ke aasman ek

na tere ho sake hum na hi apne

rahi aadhi adhuri dastan ek