milā thā roz-e-azal zauq-e-kāmyāb mujhe
mirī nazar ne kiyā ḳhud hī intiḳhāb mujhe
na e'tibār mire zarf kā thā saaqī ko
kabhī na bhar ke diyā sāġhar-e-sharāb mujhe
havā-e-dahr se bikhrā hai dil kā shīrāza
varaq varaq nazar aatī hai ye kitāb mujhe
maiñ apnī ḳhāmī-e-tarz-e-bayāñ pe nādim huuñ
mirā savāl hī ḳhud ban gayā javāb mujhe
kiyā hai dīda-e-anjām maiñ ne āgah-e-rāz
bisāt-e-dahr 'munavvar' hai farsh-e-ḳhvāb mujhe
mila tha roz-e-azal zauq-e-kaamyab mujhe
meri nazar ne kiya KHud hi intiKHab mujhe
na e'tibar mere zarf ka tha saqi ko
kabhi na bhar ke diya saghar-e-sharab mujhe
hawa-e-dahr se bikhra hai dil ka shiraaza
waraq waraq nazar aati hai ye kitab mujhe
main apni KHami-e-tarz-e-bayan pe nadim hun
mera sawal hi KHud ban gaya jawab mujhe
kiya hai dida-e-anjam main ne aagah-e-raaz
bisat-e-dahr 'munawwar' hai farsh-e-KHwab mujhe
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.