mili bhi kya dar-e-daulat se kar-e-ishq ki dad

milī bhī kyā dar-e-daulat se kār-e-ishq kī daad

yahī ki tesha-e-farhād bar-sar-e-farhād

ruḳh-e-numū ko shikāyat faqat ḳhizāñ se nahīñ

bahār meñ bhī huī kisht-e-jism-o-jāñ barbād

davām maañg rahā huuñ guzarte lamhoñ se

hai zindagī se mohabbat hī zindagī kā tazād

zamāne bhar ke ġhamoñ se alag thalag rah kar

sukūñ bahut hai magar hai dil-e-sukūñ barbād

shu.ūr-e-ġham ḳhabar-e-zīst e'tibār-e-vajūd

sazā hai yā ki jazā hai ye ālam-e-ījād

matā.a-e-sher-o-suḳhan bhī jabhī salāmat hai

ki mere log mirī bastiyāñ raheñ ābād

ma.āl-e-kohkan-o-qais dekh kar bhī 'sahar'

chale haiñ kū-e-tamannā ko har che baad ai baad

mili bhi kya dar-e-daulat se kar-e-ishq ki dad

yahi ki tesha-e-farhad bar-sar-e-farhad

ruKH-e-numu ko shikayat faqat KHizan se nahin

bahaar mein bhi hui kisht-e-jism-o-jaan barbaad

dawam mang raha hun guzarte lamhon se

hai zindagi se mohabbat hi zindagi ka tazad

zamane bhar ke ghamon se alag thalag rah kar

sukun bahut hai magar hai dil-e-sukun barbaad

shuur-e-gham KHabar-e-zist e'tibar-e-wajud

saza hai ya ki jaza hai ye aalam-e-ijad

mataa-e-sher-o-suKHan bhi jabhi salamat hai

ki mere log meri bastiyan rahen aabaad

maal-e-kohkan-o-qais dekh kar bhi 'sahar'

chale hain ku-e-tamanna ko har che baad ai baad