milna nahin to yaad use karna bhi chhoD de
milnā nahīñ to yaad use karnā bhī chhoḌ de
dīvār chhoḌ dī hai to saaya bhī chhoḌ de
ik aadmī se tark-e-marāsim ke ba.ad ab
kyā us galī se koī guzarnā bhī chhoḌ de
aanā ab us ne chhoḌ diyā hai agar to kyā
dil be-sabab charāġh jalānā bhī chhoḌ de
mazbūt kashtiyoñ ko bachāne ke vāste
dariyā meñ ek naav shikasta bhī chhoḌ de
allāh kī zamīn baḌī hai bahut 'jamāl'
izzat nahīñ jahāñ vahāñ rahnā bhī chhoḌ de
milna nahin to yaad use karna bhi chhoD de
diwar chhoD di hai to saya bhi chhoD de
ek aadmi se tark-e-marasim ke baad ab
kya us gali se koi guzarna bhi chhoD de
aana ab us ne chhoD diya hai agar to kya
dil be-sabab charagh jalana bhi chhoD de
mazbut kashtiyon ko bachane ke waste
dariya mein ek naw shikasta bhi chhoD de
allah ki zamin baDi hai bahut 'jamal'
izzat nahin jahan wahan rahna bhi chhoD de
Source:
Akelepan Ki Intiha (Pg. 72)
- Author: Jamal Ehsani
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
