milta hi nahin dard ka paikar koi mujh sa
miltā hī nahīñ dard kā paikar koī mujh sā
ā.īne meñ ik shaḳhs hai kamtar koī mujh sā
īmān bhī tanhā hai mirā kufr bhī tanhā
momin koī mujh sā hai na kāfir koī mujh sā
hai kaun jo is abr ke parde meñ ravāñ hai
dīvāna hai dīvāna sarāsar koī mujh sā
kohsār ke dāman meñ milātā hai nihāñ kaun
āvāz se āvāz barābar koī mujh sā
lene nahīñ detā kisī karvaT mujhe ārām
ik shaḳhs haTīlā mire andar koī mujh sā
maiñ TūTtā taarā huuñ nazar mujh se milā lo
phir kaahe ko dekhoge mukarrar koī mujh sā
ā.īna huuñ aur chehra-e-'ḳhurshīd' pe vā huuñ
hogā kahīñ qismat kā sikandar koī mujh sā
milta hi nahin dard ka paikar koi mujh sa
aaine mein ek shaKHs hai kamtar koi mujh sa
iman bhi tanha hai mera kufr bhi tanha
momin koi mujh sa hai na kafir koi mujh sa
hai kaun jo is abr ke parde mein rawan hai
diwana hai diwana sarasar koi mujh sa
kohsar ke daman mein milata hai nihan kaun
aawaz se aawaz barabar koi mujh sa
lene nahin deta kisi karwaT mujhe aaram
ek shaKHs haTila mere andar koi mujh sa
main TuTta tara hun nazar mujh se mila lo
phir kahe ko dekhoge mukarrar koi mujh sa
aaina hun aur chehra-e-'KHurshid' pe wa hun
hoga kahin qismat ka sikandar koi mujh sa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
