milta nahin koi bhi KHaridar ishq mein

miltā nahīñ koī bhī ḳharīdār ishq meñ

rusvā hue haiñ bar-sar-e-bāzār ishq meñ

manzil milī na marhala-e-dil hī tai huā

dasht-e-junūñ ko jāniye dīvār-e-ishq meñ

us nāfa-e-nigāh se pāgal hue to kyā

zanjīr hai ye dard kā āzād ishq meñ

ab tak tire ḳhayāl se namnāk hai ye aañkh

sarf is qadar huā huuñ gunahgār ishq meñ

fariyād kar rahā huuñ judā.ī ke dasht meñ

koī nahīñ sharīk-e-ġham-e-yār ishq meñ

maiñ kunj-e-āfiyat meñ rahā umr-bhar magar

ḳhud se huā huuñ bar-sar-e-paikār ishq meñ

haath aa ga.ī kalīd-e-tilism-e-nigāh kyā

khulne lage haiñ husn ke asrār-e-ishq meñ

hairāniyoñ ke zaḳhm kā marham kahāñ 'nadīm'

dil sehr-e-dard se huā bedār ishq meñ

milta nahin koi bhi KHaridar ishq mein

ruswa hue hain bar-sar-e-bazar ishq mein

manzil mili na marhala-e-dil hi tai hua

dasht-e-junun ko jaaniye diwar-e-ishq mein

us nafa-e-nigah se pagal hue to kya

zanjir hai ye dard ka aazad ishq mein

ab tak tere KHayal se namnak hai ye aankh

sarf is qadar hua hun gunahgar ishq mein

fariyaad kar raha hun judai ke dasht mein

koi nahin sharik-e-gham-e-yar ishq mein

main kunj-e-afiyat mein raha umr-bhar magar

KHud se hua hun bar-sar-e-paikar ishq mein

hath aa gai kalid-e-tilism-e-nigah kya

khulne lage hain husn ke asrar-e-ishq mein

hairaniyon ke zaKHm ka marham kahan 'nadim'

dil sehr-e-dard se hua bedar ishq mein