milta nahin qarar kisi bhi bahaar mein

miltā nahīñ qarār kisī bhī bahār meñ

itne mile haiñ ġham ki nahīñ ab shumār meñ

āñkhoñ meñ ḳhvāb dil meñ tamannā.eñ be-sabab

paayā nahīñ hai kuchh bhī magar intizār meñ

rahzan banā har ek qadam ḳhud hī raah kā

kyā ḳhaak ham bacheñge yaañ un se pyaar meñ

dhokā diyā zamāne ne ham ko har ek pal

paayā na kuchh bhī ham ne vafā ke dayār meñ

sho'loñ meñ ghir ga.ī hai tamanna kī raushnī

apnā alag maqām hai lekin mazār meñ

har ek chehra vaqt ke parde meñ chhup gayā

pahchān DhūñDte haiñ ye 'āshiq ġhubār meñ

milta nahin qarar kisi bhi bahaar mein

itne mile hain gham ki nahin ab shumar mein

aankhon mein KHwab dil mein tamannaen be-sabab

paya nahin hai kuchh bhi magar intizar mein

rahzan bana har ek qadam KHud hi rah ka

kya KHak hum bachenge yan un se pyar mein

dhoka diya zamane ne hum ko har ek pal

paya na kuchh bhi hum ne wafa ke dayar mein

sho'lon mein ghir gai hai tamanna ki raushni

apna alag maqam hai lekin mazar mein

har ek chehra waqt ke parde mein chhup gaya

pahchan DhunDte hain ye 'ashiq ghubar mein