milte hi dil ne hum ko giraftar kar diya

milte hī dil ne ham ko giraftār kar diyā

rusvā-e-shahr-o-kūcha-o-bāzār kar diyā

pyāre qasam le le ho dobāra agar nazar

haañ yak nigāh tum ne gunahgār kar diyā

go ham zalīl-o-ḳhvār hue ḳhalq meñ miyāñ

aalam ko aap kā to talabgār kar diyā

karne lagī ho ab jo mire saath ye sulūk

shāyad kisī ne tum ko ḳhabar-dār kar diyā

jo kuchh sulūk ham se karo tum bajā hai yaar

chūke hamīñ jo tum ko numūdār kar diyā

jaate hī madrase meñ kal us but ne ai 'na.īm'

tasbīh-e-shaiḳh rishta-e-zunnār kar diyā

milte hi dil ne hum ko giraftar kar diya

ruswa-e-shahr-o-kucha-o-bazar kar diya

pyare qasam le le ho dobara agar nazar

han yak nigah tum ne gunahgar kar diya

go hum zalil-o-KHwar hue KHalq mein miyan

aalam ko aap ka to talabgar kar diya

karne lagi ho ab jo mere sath ye suluk

shayad kisi ne tum ko KHabar-dar kar diya

jo kuchh suluk hum se karo tum baja hai yar

chuke hamin jo tum ko numudar kar diya

jate hi madrase mein kal us but ne ai 'naim'

tasbih-e-shaiKH rishta-e-zunnar kar diya