milti rahi qalam ko saadat ki raushni

miltī rahī qalam ko sa.ādat kī raushnī

dar aa.ī harf harf meñ mid.hat kī raushnī

aane se aap ke huiiñ kāfūr zulmateñ

aalam meñ phailī aap kī rahmat kī raushnī

ġhār-e-hirā meñ le ke jo aa.e the jibra.īl

sachchā kalām nūr-e-hidāyat kī raushnī

tā-hāl ho rahī hai vo barsāt nuur kī

lamhe ne paa.ī thī jo ziyārat kī raushnī

īsār-o-darguzar kā sabaq aap ne diyā

phailā.ī aap ne hai uḳhuvvat kī raushnī

aurat ko baḳhshī aap ne aa kar hayāt-e-nau

us ko milī hai izzat-o-azmat kī raushnī

sub.h-o-masā hai 'nāz' kī bas aarzū yahī

merī navāh-e-jāñ meñ ho sīrat kī raushnī

milti rahi qalam ko saadat ki raushni

dar aai harf harf mein midhat ki raushni

aane se aap ke huin kafur zulmaten

aalam mein phaili aap ki rahmat ki raushni

ghaar-e-hira mein le ke jo aae the jibrail

sachcha kalam nur-e-hidayat ki raushni

ta-haal ho rahi hai wo barsat nur ki

lamhe ne pai thi jo ziyarat ki raushni

isar-o-darguzar ka sabaq aap ne diya

phailai aap ne hai uKHuwwat ki raushni

aurat ko baKHshi aap ne aa kar hayat-e-nau

us ko mili hai izzat-o-azmat ki raushni

subh-o-masa hai 'naz' ki bas aarzu yahi

meri nawah-e-jaan mein ho sirat ki raushni