minnaten karta tha ruk jao mera koi nahin

minnateñ kartā thā ruk jaao mirā koī nahīñ

mere roke se magar kaun rukā koī nahīñ

dost māshūq sanam aur ḳhudā koī nahīñ

maiñ to sab kā huuñ par afsos mirā koī nahīñ

ab to lāzim hai ki vo shaḳhs mirā ho jaa.e

ab to duniyā meñ mirā us ke sivā koī nahīñ

umr bhar saath nibhāne kā ye va.ada haa.e

umr bhar saath bhalā koī rahā koī nahīñ

mere maulā ye tire saat arab logoñ meñ

koī bhī merā nahīñ hai ba-ḳhudā koī nahīñ

bevafā.ī ko baḌā jurm batāne vaale

yaad hai tū ne bhī chal chhoḌ haTā koī nahīñ

maiñ bhī qaa.il huuñ tirī chāragarī kā lekin

ik maraz aisā bhī hai jis kī davā koī nahīñ

minnaten karta tha ruk jao mera koi nahin

mere roke se magar kaun ruka koi nahin

dost mashuq sanam aur KHuda koi nahin

main to sab ka hun par afsos mera koi nahin

ab to lazim hai ki wo shaKHs mera ho jae

ab to duniya mein mera us ke siwa koi nahin

umr bhar sath nibhane ka ye wada hae

umr bhar sath bhala koi raha koi nahin

mere maula ye tere sat arab logon mein

koi bhi mera nahin hai ba-KHuda koi nahin

bewafai ko baDa jurm batane wale

yaad hai tu ne bhi chal chhoD haTa koi nahin

main bhi qail hun teri chaaragari ka lekin

ek maraz aisa bhi hai jis ki dawa koi nahin