zaban rakh ghuncha san apne dahan mein

zabāñ rakh ġhuncha saañ apne dahan meñ

bañdhī muTThī chalā jā is chaman meñ

na khol ai yaar merā gor meñ muñh

ki hasrat hai mirī jaagā kafan meñ

rakhā kar haath dil par aah karte

nahīñ rahtā charāġh aisī pavan meñ

jale dil kī musībat apne sun kar

lagī hai aag saare tan badan meñ

na tujh bin hosh meñ ham aa.e saaqī

musāfir hī rahe aksar vatan meñ

ḳhirad-mandī huī zanjīr varna

guzartī ḳhuub thī dīvāna-pan meñ

kahāñ ke sham-o-parvāne ga.e mar

bahut ātash-bajāñ the is chaman meñ

kahāñ ājiz-suḳhan qādir-suḳhan huuñ

hameñ hai shub.h yāroñ ke suḳhan meñ

gudāz ishq meñ ba bhī gayā 'mīr'

yahī dhokā sā hai ab pairahan meñ

zaban rakh ghuncha san apne dahan mein

bandhi muTThi chala ja is chaman mein

na khol ai yar mera gor mein munh

ki hasrat hai meri jaga kafan mein

rakha kar hath dil par aah karte

nahin rahta charagh aisi pawan mein

jale dil ki musibat apne sun kar

lagi hai aag sare tan badan mein

na tujh bin hosh mein hum aae saqi

musafir hi rahe aksar watan mein

KHirad-mandi hui zanjir warna

guzarti KHub thi diwana-pan mein

kahan ke sham-o-parwane gae mar

bahut aatash-bajaan the is chaman mein

kahan aajiz-suKHan qadir-suKHan hun

hamein hai shubh yaron ke suKHan mein

gudaz ishq mein ba bhi gaya 'mir'

yahi dhoka sa hai ab pairahan mein