dawe ko yar aage mayub kar chuke hain

da.ave ko yaar aage ma.ayūb kar chuke haiñ

is reḳhte ko varna ham ḳhuub kar chuke haiñ

marne se tum hamāre ḳhātir nachant rakhiyo

us kaam kā bhī ham kuchh uslūb kar chuke haiñ

husn-e-kalām khīñche kyūñkar na dāman-e-dil

is kaam ko ham āḳhir mahbūb kar chuke haiñ

hañgāma-e-qayāmat taaza nahīñ jo hogā

ham is tarah ke kitne āshob kar chuke haiñ

rañg-e-parīdañ qāsid bād-e-sahar kabūtar

kis kis ke ham havāle maktūb kar chuke haiñ

tinkā nahīñ rahā hai kyā ab nisār kariye

aage hī ham to ghar ko jārūb kar chuke haiñ

har lahza hai tazāyud ranj-o-ġham-o-alam kā

ġhālib ki taba-e-dil ko maġhlūb kar chuke haiñ

kyā jāniye ki kyā hai ai 'mīr' vaj.h zid kī

sau baar ham to us ko mahjūb kar chuke haiñ

dawe ko yar aage mayub kar chuke hain

is reKHte ko warna hum KHub kar chuke hain

marne se tum hamare KHatir nachant rakhiyo

us kaam ka bhi hum kuchh uslub kar chuke hain

husn-e-kalam khinche kyunkar na daman-e-dil

is kaam ko hum aaKHir mahbub kar chuke hain

hangama-e-qayamat taza nahin jo hoga

hum is tarah ke kitne aashob kar chuke hain

rang-e-paridan qasid baad-e-sahar kabutar

kis kis ke hum hawale maktub kar chuke hain

tinka nahin raha hai kya ab nisar kariye

aage hi hum to ghar ko jarub kar chuke hain

har lahza hai tazayud ranj-o-gham-o-alam ka

ghaalib ki taba-e-dil ko maghlub kar chuke hain

kya jaaniye ki kya hai ai 'mir' wajh zid ki

sau bar hum to us ko mahjub kar chuke hain