din nahin raat nahin subh nahin sham nahin

din nahīñ raat nahīñ sub.h nahīñ shaam nahīñ

vaqt milne kā magar dāḳhil-e-ayyām nahīñ

misl anqā mujhe tum duur se sun lo varna

nañg-e-hastī huuñ mirī jaa.e ba-juz naam nahīñ

ḳhatar rāh-e-vafā balki bahut duur khiñchā

umr guzrī ki baham nāma-o-paiġhām nahīñ

rāz-poshī-e-mohabbat ke ta.iiñ chāhiye zabt

so to be-tābī-e-dil bin mujhe ārām nahīñ

be-qarārī jo koī dekhe hai so kahtā hai

kuchh to hai 'mīr' ki ik dam tujhe ārām nahīñ

din nahin raat nahin subh nahin sham nahin

waqt milne ka magar daKHil-e-ayyam nahin

misl anqa mujhe tum dur se sun lo warna

nang-e-hasti hun meri jae ba-juz nam nahin

KHatar rah-e-wafa balki bahut dur khincha

umr guzri ki baham nama-o-paigham nahin

raaz-poshi-e-mohabbat ke tain chahiye zabt

so to be-tabi-e-dil bin mujhe aaram nahin

be-qarari jo koi dekhe hai so kahta hai

kuchh to hai 'mir' ki ek dam tujhe aaram nahin