ye chashm aaina-dar-e-ru thi kasu ki

ye chashm ā.īna-dār-e-rū thī kasū kī

nazar us taraf bhī kabhū thī kasū kī

sahar pā-e-gul be-ḳhudī ham ko aa.ī

ki us sust paimāñ meñ bū thī kasū kī

ye sar-gashta jab tak rahā is chaman meñ

ba-rañg-e-sabā justujū thī kasū kī

na Thahrī Tuk ik jaan bar-lab rasīda

hameñ mudda.ā guftugū thī kasū kī

jalāyā shab ik sho.ala-e-dil ne ham ko

ki us tund sarkash meñ ḳhū thī kasū kī

na the tujh se nāzuk mayānā-e-gulshan

bahut to kamar jaise mū thī kasū kī

dam-e-marg dushvār dī jaan in ne

magar 'mīr' ko aarzū thī kasū kī

ye chashm aaina-dar-e-ru thi kasu ki

nazar us taraf bhi kabhu thi kasu ki

sahar pa-e-gul be-KHudi hum ko aai

ki us sust paiman mein bu thi kasu ki

ye sar-gashta jab tak raha is chaman mein

ba-rang-e-saba justuju thi kasu ki

na Thahri Tuk ek jaan bar-lab rasida

hamein muddaa guftugu thi kasu ki

jalaya shab ek shoala-e-dil ne hum ko

ki us tund sarkash mein KHu thi kasu ki

na the tujh se nazuk mayana-e-gulshan

bahut to kamar jaise mu thi kasu ki

dam-e-marg dushwar di jaan in ne

magar 'mir' ko aarzu thi kasu ki