maine jo be-kasana majlis mein jaan khoi

maiñ ne jo be-kasāna majlis meñ jaan khoī

sar par mire khaḌī ho shab sham.a zor ravī

aatī hai sham.a shab ko aage tire ye kah kar

muñh kī ga.ī jo loī to kyā karegā koī

be-tāqatī se aage kuchh pūchhtā bhī thā so

rone ne har ghaḌī ke vo baat hī Duboī

bulbul kī bekalī ne shab be-dimāġh rakhā

sone diyā na ham ko zālim na aap soī

us zulm pesha kī ye rasm-e-qadīm hai gī

ġhairoñ pe mehrbānī yāroñ se kīna-jūī

naubat jo ham se gaahe aatī hai guftugū kī

muñh meñ zabāñ nahīñ hai is bad-zabāñ ke goī

us mah ke jalve se kuchh tā 'mīr' yaad deve

ab ke gharoñ meñ ham ne sab chāñdnī hai boī

main ne jo be-kasana majlis mein jaan khoi

sar par mere khaDi ho shab shama zor rawi

aati hai shama shab ko aage tere ye kah kar

munh ki gai jo loi to kya karega koi

be-taqati se aage kuchh puchhta bhi tha so

rone ne har ghaDi ke wo baat hi Duboi

bulbul ki bekali ne shab be-dimagh rakha

sone diya na hum ko zalim na aap soi

us zulm pesha ki ye rasm-e-qadim hai gi

ghairon pe mehrbani yaron se kina-jui

naubat jo hum se gahe aati hai guftugu ki

munh mein zaban nahin hai is bad-zaban ke goi

us mah ke jalwe se kuchh ta 'mir' yaad dewe

ab ke gharon mein hum ne sab chandni hai boi