aage hamare ahd se wahshat ko ja na thi

aage hamāre ahd se vahshat ko jā na thī

dīvāngī kaso kī bhī zanjīr-e-pā na thī

begāna sā lage hai chaman ab ḳhizāñ meñ haa.e

aisī ga.ī bahār magar āshnā na thī

kab thā ye shor-e-nauha tirā ishq jab na thā

dil thā hamārā aage tū mātam-sarā na thī

vo aur koī hogī sahar jab huī qubūl

sharminda-e-asar to hamārī duā na thī

aage bhī tere ishq se khīñche the dard-o-ranj

lekin hamārī jaan par aisī balā na thī

dekhe dayār-e-husn ke meñ kārvāñ bahut

lekin kaso ke paas matā-e-vafā na thī

aa.ī parī sī parda-e-mīnā se jaam tak

āñkhoñ meñ terī duḳhtar-e-raz kyā hayā na thī

is vaqt se kyā hai mujhe to charāġh-e-vaqf

maḳhlūq jab jahāñ meñ nasīm-o-sabā na thī

pazhmurda is qadar haiñ ki hai shub.h ham ko 'mīr'

tan meñ hamāre jaan kabhū thī bhī yā na thī

aage hamare ahd se wahshat ko ja na thi

diwangi kaso ki bhi zanjir-e-pa na thi

begana sa lage hai chaman ab KHizan mein hae

aisi gai bahaar magar aashna na thi

kab tha ye shor-e-nauha tera ishq jab na tha

dil tha hamara aage tu matam-sara na thi

wo aur koi hogi sahar jab hui qubul

sharminda-e-asar to hamari dua na thi

aage bhi tere ishq se khinche the dard-o-ranj

lekin hamari jaan par aisi bala na thi

dekhe dayar-e-husn ke mein karwan bahut

lekin kaso ke pas mata-e-wafa na thi

aai pari si parda-e-mina se jam tak

aankhon mein teri duKHtar-e-raz kya haya na thi

is waqt se kya hai mujhe to charagh-e-waqf

maKHluq jab jahan mein nasim-o-saba na thi

pazhmurda is qadar hain ki hai shubh hum ko 'mir'

tan mein hamare jaan kabhu thi bhi ya na thi