rahi na-gufta mere dil mein dastan meri

Meer Taqi Meer

rahi na-gufta mere dil mein dastan meri

Meer Taqi Meer

MORE BYMeer Taqi Meer

    rahī na-gufta mire dil meñ dāstāñ merī

    na us dayār meñ samjhā koī zabāñ merī

    ba-rañg-e-saut-e-jaras tujh se duur huuñ tanhā

    ḳhabar nahīñ hai tujhe aah kārvāñ merī

    tire na aaj ke aane meñ sub.h ke mujh paas

    hazār jaa.e ga.ī tab-e-bad-gumāñ merī

    vo naqsh-e-pai huuñ maiñ miT gayā ho jo rah meñ

    na kuchh ḳhabar hai na sudh haigī rah-ravāñ merī

    shab us ke kūche meñ jaatā huuñ is tavaqqo.a par

    ki ek dost hai vaañ ḳhvāb pāsbāñ merī

    usī se duur rahā asal mudda.ā jo thā

    ga.ī ye umr-e-azīz aah rā.egāñ merī

    tire firāq meñ jaise ḳhayāl muflis

    ga.ī hai fikr-e-pareshāñ kahāñ kahāñ merī

    nahīñ hai tāb-o-tavāñ judā.ī andoh

    ki nā-tavānī bahut hai mizāj-dāñ merī

    rahā maiñ dar-e-pas-e-dīvār-e-bāġh muddat lek

    ga.ī guloñ ke na kānoñ talak fuġhāñ merī

    huā huuñ girya-e-ḳhūnīñ jab se dāman-gīr

    na āstīn huī paak dostāñ merī

    diyā dikhā.ī mujhe to isī jalva 'mīr'

    paḌī jahān meñ kar nazar jahāñ merī

    rahi na-gufta mere dil mein dastan meri

    na us dayar mein samjha koi zaban meri

    ba-rang-e-saut-e-jaras tujh se dur hun tanha

    KHabar nahin hai tujhe aah karwan meri

    tere na aaj ke aane mein subh ke mujh pas

    hazar jae gai tab-e-bad-guman meri

    wo naqsh-e-pai hun main miT gaya ho jo rah mein

    na kuchh KHabar hai na sudh haigi rah-rawan meri

    shab us ke kuche mein jata hun is tawaqqoa par

    ki ek dost hai wan KHwab pasban meri

    usi se dur raha asal muddaa jo tha

    gai ye umr-e-aziz aah raegan meri

    tere firaq mein jaise KHayal muflis ka

    gai hai fikr-e-pareshan kahan kahan meri

    nahin hai tab-o-tawan ki judai ka andoh

    ki na-tawani bahut hai mizaj-dan meri

    raha main dar-e-pas-e-diwar-e-bagh muddat lek

    gai gulon ke na kanon talak fughan meri

    hua hun girya-e-KHunin ka jab se daman-gir

    na aastin hui pak dostan meri

    diya dikhai mujhe to isi ka jalwa 'mir'

    paDi jahan mein ja kar nazar jahan meri

    Source :
    • Book : मीरियात - दीवान नंo- 1, ग़ज़ल नंo- 0463
    • Book : MIRIYAAT - Diwan No- 1, Ghazal No- 0463
    • Book : MIRIYAAT - Diwan No- 1, Ghazal No- 0463
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY