kali kahte hain us ka sa dahan hai

kalī kahte haiñ us kā sā dahan hai

sunā kariye ki ye bhī ik suḳhan hai

Tapakte dard haiñ aañsū kī jaagā

ilāhī chashm yā zaḳhm-e-kuhan hai

ḳhabar le pīr-e-kan.āñ kī ki kuchh aaj

nipaT āvāra bū-e-pairahan hai

nahīñ dāman meñ laala be-sutūñ ke

koī dil-e-dāġh ḳhūn-e-kohkan hai

shahādat-gāh hai bāġh-e-zamāna

ki har gul us meñ ik ḳhūnīñ-kafan hai

karūñ kyā hasrat-e-gul ko vagarna

dil par daaġh bhī apnā chaman hai

jo de ārām Tak āvārgī 'mīr'

to shām-e-ġhurbat ik sub.h-e-vatan hai

kali kahte hain us ka sa dahan hai

suna kariye ki ye bhi ek suKHan hai

Tapakte dard hain aansu ki jaga

ilahi chashm ya zaKHm-e-kuhan hai

KHabar le pir-e-kanan ki ki kuchh aaj

nipaT aawara bu-e-pairahan hai

nahin daman mein lala be-sutun ke

koi dil-e-dagh KHun-e-kohkan hai

shahadat-gah hai bagh-e-zamana

ki har gul us mein ek KHunin-kafan hai

karun kya hasrat-e-gul ko wagarna

dil par dagh bhi apna chaman hai

jo de aaram Tak aawargi 'mir'

to sham-e-ghurbat ek subh-e-watan hai