hum hue tum hue ki mir hue

Meer Taqi Meer

hum hue tum hue ki mir hue

Meer Taqi Meer

MORE BYMeer Taqi Meer

    ham hue tum hue ki 'mīr' hue

    us zulfoñ ke sab asiir hue

    jin ḳhātir ustuḳhvāñ-shiknī

    so ham un ke nishān-e-tīr hue

    nahīñ aate kaso āñkhoñ meñ

    ho ke āshiq bahut haqīr hue

    aage ye be-adā.iyāñ kab thiiñ

    in dinoñ tum bahut sharīr hue

    apne rote rote sahrā ke

    goshe goshe meñ āb-gīr hue

    aisī hastī adam meñ dāḳhil hai

    nai javāñ ham na tifl-e-shīr hue

    ek dam thī numūd buud apnī

    safedī aḳhīr hue

    ya.anī mānind-e-sub.h duniyā meñ

    ham jo paidā hue sau piir hue

    mat mil ahl-e-duval ke laḌkoñ se

    'mīr'-jī un se mil faqīr hue

    hum hue tum hue ki 'mir' hue

    us ki zulfon ke sab asir hue

    jin ki KHatir ki ustuKHwan-shikni

    so hum un ke nishan-e-tir hue

    nahin aate kaso ki aankhon mein

    ho ke aashiq bahut haqir hue

    aage ye be-adaiyan kab thin

    in dinon tum bahut sharir hue

    apne rote hi rote sahra ke

    goshe goshe mein aab-gir hue

    aisi hasti adam mein daKHil hai

    nai jawan hum na tifl-e-shir hue

    ek dam thi numud bud apni

    ya safedi ki ya aKHir hue

    yani manind-e-subh duniya mein

    hum jo paida hue sau pir hue

    mat mil ahl-e-duwal ke laDkon se

    'mir'-ji un se mil faqir hue

    Source :
    • Book : MIRIYAAT - Diwan No- 1, Ghazal No- 0523
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY