shab shama par patang ke aane ko ishq hai

shab sham.a par patañg ke aane ko ishq hai

us dil-jale ke taab ke laane ko ishq hai

sar maar maar sañg se mardāna jī diyā

farhād ke jahān se jaane ko ishq hai

uThiyo samajh ke jā se ki mānind-e-gard-bād

āvārgī se terī zamāne ko ishq hai

bas ai sip.har sa.ī se terī to roz-o-shab

yaañ ġham satāne ko hai jalāne ko ishq hai

baiThī jo teġh-e-yār to sab tujh ko khā ga.ī

ai siine tere zaḳhm uThāne ko ishq hai

ik dam meñ tū ne phūñk diyā do-jahāñ ke tiiñ

ai ishq tere aag lagāne ko ishq hai

saudā ho tab ho 'mīr' ko to kariye kuchh ilaaj

us tere dekhne ke divāne ko ishq hai

shab shama par patang ke aane ko ishq hai

us dil-jale ke tab ke lane ko ishq hai

sar mar mar sang se mardana ji diya

farhad ke jahan se jaane ko ishq hai

uThiyo samajh ke ja se ki manind-e-gard-baad

aawargi se teri zamane ko ishq hai

bas ai siphar sai se teri to roz-o-shab

yan gham satane ko hai jalane ko ishq hai

baiThi jo tegh-e-yar to sab tujh ko kha gai

ai sine tere zaKHm uThane ko ishq hai

ek dam mein tu ne phunk diya do-jahan ke tin

ai ishq tere aag lagane ko ishq hai

sauda ho tab ho 'mir' ko to kariye kuchh ilaj

us tere dekhne ke diwane ko ishq hai