ghaalib ki ye dil-KHasta shab-e-hijr mein mar jae

ġhālib ki ye dil-ḳhasta shab-e-hijr meñ mar jaa.e

ye raat nahīñ vo jo kahānī meñ guzar jaa.e

hai turfa mufattin-nigah us ā.ina-rū kī

ik pal meñ kare saiñkaḌoñ ḳhuuñ aur mukar jaa.e

ne but-kada hai manzil-e-maqsūd na ka.aba

jo koī talāshī ho tirā aah kidhar jaa.e

har sub.h to ḳhurshīd tire muñh pe chaḌhe hai

aisā na ho ye saada kahīñ jī se utar jaa.e

yāqūt koī un ko kahe hai koī gul-barg

Tuk hoñT hilā tū bhī ki ik baat Thahar jaa.e

ham taaza shahīdoñ ko na aa dekhne nāzāñ

dāman kī tirī zah kahīñ lohū meñ na bhar jaa.e

girye ko mire dekh Tuk ik shahr ke bāhar

ik sat.h hai paanī kā jahāñ tak ki nazar jaa.e

mat baiTh bahut ishq ke āzurda diloñ meñ

naala kasū mazlūm kā tāsīr na kar jaa.e

is varte se taḳhta jo koī pahuñche kināre

to 'mīr' vatan mere bhī shāyad ye ḳhabar jaa.e

ghaalib ki ye dil-KHasta shab-e-hijr mein mar jae

ye raat nahin wo jo kahani mein guzar jae

hai turfa mufattin-nigah us aaina-ru ki

ek pal mein kare sainkaDon KHun aur mukar jae

ne but-kada hai manzil-e-maqsud na kaba

jo koi talashi ho tera aah kidhar jae

har subh to KHurshid tere munh pe chaDhe hai

aisa na ho ye sada kahin ji se utar jae

yaqut koi un ko kahe hai koi gul-barg

Tuk honT hila tu bhi ki ek baat Thahar jae

hum taza shahidon ko na aa dekhne nazan

daman ki teri zah kahin lohu mein na bhar jae

girye ko mere dekh Tuk ek shahr ke bahar

ek sath hai pani ka jahan tak ki nazar jae

mat baiTh bahut ishq ke aazurda dilon mein

nala kasu mazlum ka tasir na kar jae

is warte se taKHta jo koi pahunche kinare

to 'mir' watan mere bhi shayad ye KHabar jae