taDapna bhi dekha na bismil ka apne

taḌapnā bhī dekhā na bismil kā apne

maiñ kushta huuñ andāz-e-qātil kā apne

na pūchho ki ahvāl nā-gufta-bah hai

musībat ke maare hue dil kā apne

dil-e-zaḳhm-ḳhurda ke aur ik lagā.ī

mudāvā kyā ḳhuub ghāyal kā apne

jo ḳhosha thā sad ḳhirman-e-barq thā yaañ

jalāyā huā huuñ maiñ hāsil kā apne

Tak abrū ko merī taraf kiije maa.il

kabhū dil bhī rakh liije maa.il kā apne

huā daftar-e-qais āḳhir abhī yaañ

suḳhan hai junūñ ke avā.el kā apne

binā.eñ rakhīñ maiñ ne aalam meñ kyā kyā

huuñ banda ḳhayālāt-e-bātil kā apne

maqām-e-fanā vāqiye meñ jo dekhā

asar bhī na thā gor manzil kā apne

taDapna bhi dekha na bismil ka apne

main kushta hun andaz-e-qatil ka apne

na puchho ki ahwal na-gufta-bah hai

musibat ke mare hue dil ka apne

dil-e-zaKHm-KHurda ke aur ek lagai

mudawa kya KHub ghayal ka apne

jo KHosha tha sad KHirman-e-barq tha yan

jalaya hua hun main hasil ka apne

Tak abru ko meri taraf kije mail

kabhu dil bhi rakh lije mail ka apne

hua daftar-e-qais aaKHir abhi yan

suKHan hai junun ke awael ka apne

binaen rakhin main ne aalam mein kya kya

hun banda KHayalat-e-baatil ka apne

maqam-e-fana waqiye mein jo dekha

asar bhi na tha gor manzil ka apne