us ka KHiram dekh ke jaya na jaega

Meer Taqi Meer

us ka KHiram dekh ke jaya na jaega

Meer Taqi Meer

MORE BYMeer Taqi Meer

    us ḳhirām dekh ke jaayā na jā.egā

    ai kabk phir bahāl bhī aayā na jā.egā

    ham kushtgān-e-ishq haiñ abrū-o-chashm-e-yar

    sar se hamāre teġh saaya na jā.egā

    ham rahravān-e-rāh-e-fanā haiñ barañg-e-umr

    jāveñge aise khoj bhī paayā na jā.egā

    phoḌā saarī raat jo paktā rahegā dil

    to sub.h tak to haath lagāyā na jā.egā

    apne shahīd-e-nāz se bas haath uThā ki phir

    dīvān-e-hashr meñ use laayā na jā.egā

    ab dekh le ki siina bhī taaza huā hai chaak

    phir ham se apnā haal dikhāyā na jā.egā

    ham be-ḳhudān-e-mahfil-e-tasvīr ab ga.e

    ā.inda ham se aap meñ aayā na jā.egā

    go be-sutūñ ko Taal de aage se kohkan

    sañg-e-garān-e-ishq uThāyā na jā.egā

    ham to ga.e the shaiḳh ko insān buujh kar

    par ab se ḳhānqāh meñ jaayā na jā.egā

    yaad us itnī ḳhuub nahīñ 'mīr' baaz aa

    nādān phir vo se bhulāyā na jā.egā

    us ka KHiram dekh ke jaya na jaega

    ai kabk phir bahaal bhi aaya na jaega

    hum kushtgan-e-ishq hain abru-o-chashm-e-yar

    sar se hamare tegh ka saya na jaega

    hum rahrawan-e-rah-e-fana hain barang-e-umr

    jawenge aise khoj bhi paya na jaega

    phoDa sa sari raat jo pakta rahega dil

    to subh tak to hath lagaya na jaega

    apne shahid-e-naz se bas hath uTha ki phir

    diwan-e-hashr mein use laya na jaega

    ab dekh le ki sina bhi taza hua hai chaak

    phir hum se apna haal dikhaya na jaega

    hum be-KHudan-e-mahfil-e-taswir ab gae

    aainda hum se aap mein aaya na jaega

    go be-sutun ko Tal de aage se kohkan

    sang-e-garan-e-ishq uThaya na jaega

    hum to gae the shaiKH ko insan bujh kar

    par ab se KHanqah mein jaya na jaega

    yaad us ki itni KHub nahin 'mir' baz aa

    nadan phir wo ji se bhulaya na jaega

    Source
    • Book : MIRIYAAT - Diwan No- 1, Ghazal No- 0048
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY