kahna tere munh par to nipaT be-adabi hai

kahnā tire muñh par to nipaT be-adabī hai

zāhid jo sifat tujh meñ hai sozan-e-jalabī hai

is dasht meñ ai sail sañbhal hī ke qadam rakh

har samt ko yaañ dafn marī tishna-labī hai

har ik se kahā niiñd meñ par koī na samjhā

shāyad ki mire haal kā qissa 'arabī hai

'uzlat se nikal shaiḳh ki tere liye tayyār

koī haft-gazī meḳh koī dah-vajabī hai

ai charḳh na tū roz-e-siyah 'mīr' pe laanā

bechāra vo ik na.ara-zan-e-nīm-shabī hai

kahna tere munh par to nipaT be-adabi hai

zahid jo sifat tujh mein hai sozan-e-jalabi hai

is dasht mein ai sail sanbhal hi ke qadam rakh

har samt ko yan dafn mari tishna-labi hai

har ek se kaha nind mein par koi na samjha

shayad ki mere haal ka qissa 'arabi hai

'uzlat se nikal shaiKH ki tere liye tayyar

koi haft-gazi meKH koi dah-wajabi hai

ai charKH na tu roz-e-siyah 'mir' pe lana

bechaara wo ek nara-zan-e-nim-shabi hai