dahr bhi mir turfa-e-maqtal hai

dahr bhī 'mīr' turfa-e-maqtal hai

jo hai so koī dam ko faisal hai

kasrat-e-ġham se dil lagā rukne

hazrat-e-dil meñ aaj dañgal hai

roz kahte haiñ chalne ko ḳhūbāñ

lekin ab tak to roz-e-avval hai

chhoḌ mat naqd vaqt-e-nasiya par

aaj jo kuchh hai so kahāñ kal hai

band ho tujh se ye khulā na kabhū

dil hai yā ḳhāna-e-muqaffal hai

sīna-chākī bhī kaam rakhtī hai

yahī kar jab talak mo'attal hai

ab ke hāthoñ meñ shauq ke tere

dāman-e-bādiya kā āñchal hai

Tak garebāñ meñ sar ko Daal ke dekh

dil bhī kyā laq-o-daq jangal hai

hijr bā'is hai bad-gumānī kā

ġhairat-e-ishq hai to kab kal hai

mar gayā kohkan isī ġham meñ

aañkh ojhal pahāḌ ojhal hai

dahr bhi 'mir' turfa-e-maqtal hai

jo hai so koi dam ko faisal hai

kasrat-e-gham se dil laga rukne

hazrat-e-dil mein aaj dangal hai

roz kahte hain chalne ko KHuban

lekin ab tak to roz-e-awwal hai

chhoD mat naqd waqt-e-nasiya par

aaj jo kuchh hai so kahan kal hai

band ho tujh se ye khula na kabhu

dil hai ya KHana-e-muqaffal hai

sina-chaaki bhi kaam rakhti hai

yahi kar jab talak mo'attal hai

ab ke hathon mein shauq ke tere

daman-e-baadiya ka aanchal hai

Tak gareban mein sar ko Dal ke dekh

dil bhi kya laq-o-daq jangal hai

hijr ba'is hai bad-gumani ka

ghairat-e-ishq hai to kab kal hai

mar gaya kohkan isi gham mein

aankh ojhal pahaD ojhal hai