KHat se wo zor safa-e-husn ab kam ho gaya

ḳhat se vo zor safā-e-husn ab kam ho gayā

chāh-e-yūsuf thā zaqan so chāh-e-rustam ho gayā

sīna-kobī-e-sañg se dil-e-ḳhūn hone meñ rahī

haq-ba-jānib thā hamāre saḳht mātam ho gayā

ek sā aalam nahīñ rahtā hai us aalam ke beach

ab jahāñ koī nahīñ yaañ ek aalam ho gayā

aañkh ke laḌte tirī āshob sā barpā huā

zulf ke dirham hue ik jam.a barham ho gayā

us lab-e-jāñ-baḳhsh kī hasrat ne maarā jaan se

āb-e-haivāñ yaman-e-tāle.a se mire sam ho gayā

vaqt tab tak thā to sajda masjidoñ meñ kufr thā

fā.eda ab jab ki qad mehrāb sā ḳham ho gayā

ishq un shahrī ġhazāloñ kā junūñ ko ab khiñchā

vahshat-e-dil baḌh ga.ī ārām-e-jāñ ram ho gayā

jī khiñche jaate haiñ fart-e-shauq se āñkhoñ kī aur

jin ne dekhā ek-dam us ko so be-dam ho gayā

ham ne jo kuchh us se dekhā so ḳhilāf-e-chashm-e-dāsht

apnā izrā.īl vo jaan mujassam ho gayā

kyā kahūñ kyā tarheñ badleñ chaah ne āḳhir ko 'mīr'

thā girah jo dard chhātī meñ so ab ġham ho gayā

KHat se wo zor safa-e-husn ab kam ho gaya

chah-e-yusuf tha zaqan so chah-e-rustam ho gaya

sina-kobi-e-sang se dil-e-KHun hone mein rahi

haq-ba-jaanib tha hamare saKHt matam ho gaya

ek sa aalam nahin rahta hai us aalam ke beach

ab jahan koi nahin yan ek aalam ho gaya

aankh ke laDte teri aashob sa barpa hua

zulf ke dirham hue ek jama barham ho gaya

us lab-e-jaan-baKHsh ki hasrat ne mara jaan se

aab-e-haiwan yaman-e-talea se mere sam ho gaya

waqt tab tak tha to sajda masjidon mein kufr tha

faeda ab jab ki qad mehrab sa KHam ho gaya

ishq un shahri ghazalon ka junun ko ab khincha

wahshat-e-dil baDh gai aaram-e-jaan ram ho gaya

ji khinche jate hain fart-e-shauq se aankhon ki aur

jin ne dekha ek-dam us ko so be-dam ho gaya

hum ne jo kuchh us se dekha so KHilaf-e-chashm-e-dasht

apna izrail wo jaan mujassam ho gaya

kya kahun kya tarhen badlen chah ne aaKHir ko 'mir'

tha girah jo dard chhati mein so ab gham ho gaya