ai dost koi mujh sa ruswa na hua hoga

ai dost koī mujh sā rusvā na huā hogā

dushman ke bhī dushman par aisā na huā hogā

ab ashk-e-hinā.ī se jo tar na kare mizhgāñ

vo tujh kaf-e-rañgīñ kā maarā na huā hogā

Tak gor-e-ġharībāñ kī kar sair ki duniyā meñ

un zulm-rasīdoñ par kyā kyā na huā hogā

be-nāla-o-be-zārī be-ḳhastagī-o-ḳhvārī

imroz kabhī apnā fardā na huā hogā

hai qā.eda kullī ye kū-e-mohabbat meñ

dil ġham jo huā hogā paidā na huā hogā

is kohna-ḳharābe meñ ābādī na kar mun.im

yak shahr nahīñ yaañ jo sahrā na huā hogā

āñkhoñ se tirī ham ko hai chashm ki ab hove

jo fitna ki duniyā meñ barpā na huā hogā

juz martaba-e-kal ko hāsil kare hai āḳhir

yak qatra na dekhā jo dariyā na huā hogā

sad nashtar-e-mizhgāñ ke lagne se na niklā ḳhuuñ

aage tujhe 'mīr' aisā saudā na huā hogā

ai dost koi mujh sa ruswa na hua hoga

dushman ke bhi dushman par aisa na hua hoga

ab ashk-e-hinai se jo tar na kare mizhgan

wo tujh kaf-e-rangin ka mara na hua hoga

Tak gor-e-ghariban ki kar sair ki duniya mein

un zulm-rasidon par kya kya na hua hoga

be-nala-o-be-zari be-KHastagi-o-KHwari

imroz kabhi apna farda na hua hoga

hai qaeda kulli ye ku-e-mohabbat mein

dil gham jo hua hoga paida na hua hoga

is kohna-KHarabe mein aabaadi na kar munim

yak shahr nahin yan jo sahra na hua hoga

aankhon se teri hum ko hai chashm ki ab howe

jo fitna ki duniya mein barpa na hua hoga

juz martaba-e-kal ko hasil kare hai aaKHir

yak qatra na dekha jo dariya na hua hoga

sad nashtar-e-mizhgan ke lagne se na nikla KHun

aage tujhe 'mir' aisa sauda na hua hoga