ghusse se uTh chale ho to daman ko jhaD kar

ġhusse se uTh chale ho to dāman ko jhaaḌ kar

jaate raheñge ham bhī garebān phaaḌ kar

dil vo nagar nahīñ ki phir ābād ho sake

pachhtāoge suno ho ye bastī ujaaḌ kar

yārab rah-e-talab meñ koī kab talak phire

taskīn de ki baiTh rahūñ paañv gaaḌ kar

manzūr ho na paas hamārā to haif hai

aa.e haiñ aaj duur se ham tujh ko taaḌ kar

ġhālib ki deve quvvat-e-dil is za.iif ko

tinke ko jo dikhāve hai pal meñ pahāḌ kar

nikleñge kaam dil ke kuchh ab ahl-e-rīsh se

kuchh Dher kar chuke haiñ ye aage ukhāḌ kar

us fan ke pahalvānoñ se kashtī rahī hai 'mīr'

bahutoñ ko ham ne zer kiyā hai pachhāḌ kar

ghusse se uTh chale ho to daman ko jhaD kar

jate rahenge hum bhi gareban phaD kar

dil wo nagar nahin ki phir aabaad ho sake

pachhtaoge suno ho ye basti ujaD kar

yarab rah-e-talab mein koi kab talak phire

taskin de ki baiTh rahun panw gaD kar

manzur ho na pas hamara to haif hai

aae hain aaj dur se hum tujh ko taD kar

ghaalib ki dewe quwwat-e-dil is zaif ko

tinke ko jo dikhawe hai pal mein pahaD kar

niklenge kaam dil ke kuchh ab ahl-e-rish se

kuchh Dher kar chuke hain ye aage ukhaD kar

us fan ke pahalwanon se kashti rahi hai 'mir'

bahuton ko hum ne zer kiya hai pachhaD kar