pusht-e-pa mari bas-ki duniya par

pusht-e-pā maarī bas-ki duniyā par

zaḳhm paḌ paḌ gayā mire pā par

Duube uchhle hai āftāb hanūz

kahīñ dekhā thā tujh ko dariyā par

giro mai huuñ aao shaiḳh shahr

abr jhūmā hī jaahe sahrā par

dil-e-pur-ḳhūñ to thā gulābī sharāb

jī hī apnā chalā na sahbā par

yaañ jahāñ meñ ki shahr-e-gorāñ hai

saat parde haiñ chashm-e-bīnā par

fursat-e-aish apnī yuuñ guzrī

ki musībat paḌī tamannā par

tārum-e-tāk se lahū Tapkā

sañg-bārāñ huā hai miinā par

'mīr' kyā baat us ke hoñToñ kī

jiinā dūbhar huā masīhā par

pusht-e-pa mari bas-ki duniya par

zaKHm paD paD gaya mere pa par

Dube uchhle hai aaftab hanuz

kahin dekha tha tujh ko dariya par

giro mai hun aao shaiKH shahr

abr jhuma hi jahe sahra par

dil-e-pur-KHun to tha gulabi sharab

ji hi apna chala na sahba par

yan jahan mein ki shahr-e-goran hai

sat parde hain chashm-e-bina par

fursat-e-aish apni yun guzri

ki musibat paDi tamanna par

tarum-e-tak se lahu Tapka

sang-baran hua hai mina par

'mir' kya baat us ke honTon ki

jina dubhar hua masiha par