dast-o-pa mare waqt-e-bismil tak
dast-o-pā maare vaqt-e-bismil tak
haath pahuñchā na pā-e-qātil tak
ka.aba pahuñchā to kyā huā ai shaiḳh
sa.ī kar Tuk pahuñch kisī dil tak
darpai mahmil us ke jaise jaras
maiñ bhī nālāñ huuñ saath manzil tak
bujh ga.e ham charāġh se bāhar
kahiyo ai bād-e-sham.a mahfil tak
na gayā 'mīr' apnī kashtī se
ek bhī taḳhta paara sāhil tak
dast-o-pa mare waqt-e-bismil tak
hath pahuncha na pa-e-qatil tak
kaba pahuncha to kya hua ai shaiKH
sai kar Tuk pahunch kisi dil tak
darpai mahmil us ke jaise jaras
main bhi nalan hun sath manzil tak
bujh gae hum charagh se bahar
kahiyo ai baad-e-shama mahfil tak
na gaya 'mir' apni kashti se
ek bhi taKHta para sahil tak
- Book : MIRIYAAT - Diwan No- 1, Ghazal No- 0260
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
