mera hi ban ke wo but mujhse aashna na hua

Zaheer Kashmiri

mera hi ban ke wo but mujhse aashna na hua

Zaheer Kashmiri

MORE BYZaheer Kashmiri

    mirā ban ke vo but mujh se āshnā na huā

    vo be-niyāz thā itnā to kyuuñ ḳhudā na huā

    shikan hamesha jabīñ par rahe to aadat hai

    mujhe yaqīñ hai vo mujh se kabhī ḳhafā na huā

    tamām umr tirī ham-rahī shauq rahā

    magar ye rañj ki maiñ mauja-e-sabā na huā

    hijāb-e-husn se baḌhtī hai vār-e-uryānī

    yahī sabab hai maiñ āzurda-e-hayā na huā

    nashāt-e-hijr ḳhūgar banā diyā hotā

    jafā-e-yār se itnā bhī haq adā na huā

    hayāt-o-hijr ḳhud maiñ ne intiḳhāb kiyā

    maiñ qaid kab thā jo maiñ qaid se rihā na huā

    dayār-e-dard meñ dil ne bahut talāsh kiyā

    nasīb-e-ishq magar terā naqsh-e-pā na huā

    'zahīr' soz-e-darūñ bhī ajab karishma hai

    maiñ duur rah ke bhī us se kabhī judā na huā

    mera hi ban ke wo but mujh se aashna na hua

    wo be-niyaz tha itna to kyun KHuda na hua

    shikan hamesha jabin par rahe to aadat hai

    mujhe yaqin hai wo mujh se kabhi KHafa na hua

    tamam umr teri ham-rahi ka shauq raha

    magar ye ranj ki main mauja-e-saba na hua

    hijab-e-husn se baDhti hai war-e-uryani

    yahi sabab hai main aazurda-e-haya na hua

    nashat-e-hijr ka KHugar bana diya hota

    jafa-e-yar se itna bhi haq ada na hua

    hayat-o-hijr ka KHud main ne intiKHab kiya

    main qaid kab tha jo main qaid se riha na hua

    dayar-e-dard mein dil ne bahut talash kiya

    nasib-e-ishq magar tera naqsh-e-pa na hua

    'zahir' soz-e-darun bhi ajab karishma hai

    main dur rah ke bhi us se kabhi juda na hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY